БЕОҐРАД – Представителє репрезентативних синдикатох образованя пияток, 8. януара, бешедовали з министром просвити, науки и технолоґийногорозвою Срдяном Вербичом о Законє о плацох у явним секторе и предложене звекшанє коефициєнтох, або цени роботи у образованю.
Министер и представителє синдикатох ше зложели у оцени же предложени Закон барз подли и же представя „форму без сущносци”. Заєднїцке становиско то процивенє приношеню такей реґулативи, хтора нє може сполнїц очекованя просвитних роботнїкох, анї звекшац їх заробки, сообщела Уния синдикатох просвитних роботнїкох.
Додава ше и же тот закон нє понука одвитуюци ришеня и же министер и представителє синдикатох бешедовали о других можлївосцох за злєпшанє материялного положеня занятих, та предложне звекшанє коефициєнтох, або цени роботи.
Тиж бешедоване и о можлївосци виплацованя Новорочней награди, предвидзеней з членом 2. Спорозуменя о ришованю спорних питаньох.