БАЧИНЦИ – Вирни у церкви Святого апостола и євангелисти Луки торжествено преславели Вельку ноц з богослуженями од Велького штвартку зоз службу Святого Василия Велького зоз Вечурню.
На Вельки пияток парох о. Дарко Рац служел Утриню зоз читаньом 12 Євангелийох, як и Вечурню з хованьом Христовим. Всоботу о. Дарко Рац служел Єрусалимску утриню и Воскресне саночне и Василийову службу.
На Перши дзень Велькей ноци о. Рац служел святочну Службу Божу Йоана Златоустого зоз пошвецаньом пасхалних кошаркох.
На Други дзень швета було мированє, а Служба Божа служена и вовторок на Треци дзень швета.