НОВИ САД – З Електронским вечаром, внєдзелю, 12. юлия, у Новим Садзе закончени „Еґзит” фестивал, хтори того року мал рекордну нащивеносц, понеже за штири днї, Фестивал мал аж 190 000 нащивительох.
Найвецей, 52 000, було всоботу, кед на Главней бини наступели John Newman и Manu Chao la Ventura, а на Денс арени єден з найпознатших ди-джейох на швеце Martin Garriks.
Вечар електронскей музики означела британска ґрупа „Faitless” и „Capital Cities”, а на Фюжн бини над раном и концом новосадскей часци Фестивалу наступела Горватска група „Hladno pivo” хтори представели свой нови албум „Dani zatvorenih vrata”.
Фестивал ше на ютре селї до Чарней Гори, на плажу Яз у Будви, на „Sea Dance фестивал” хтори будзе тирвац по соботу, 18. юлий. Найвекши мена на морскей часци „Еґзиту” то „The Prodigy”, Roisin Murphy, Rudimental Dj Set, „Dubioza Kolektiv” и други. Уходнїци мож купиц лєм на уходзе на Фестивал, а цена картох за стреду 2 990 и 2 390 динари.
