БЕОҐРАД – Од початку емитованя у Сербиї риялити програмох „Вельки брат”, „Фарма” и „Пари”, окрем подписованя петициї гражданох процив нїх, вше вецей ше оглашую и державни институциї хтори вимагаю же би ше таки змисти емитовало вноци, лєбо же би ше их утаргло.
З помоцу интернету за менєй як два днї петицию подписали 100 000 особи, алє Реґулаторне цело за електронски медиї (РЕМ) ма овласценя лєм опомнуц емитерох и вимагац же би преложели час емитованя, алє их нє може утаргнуц.
Членїца Совиту РЕМ Ґордана Суша гварела же тото цело уж опомло емитерох же потупюю правила у риялити програмох и предложене же би ше их емитовало после 22 годзин.
Ришенє би могло буц же би ше позберани подписи зведло як гражданску инициятиву, хтору би Скупштина Сербиї мушела розпатриц и принєсц одлуку цо зоз риялити програмами.