БЕОҐРАД – Роботнїком котри би пошвидко мали пойсц до пензиї, а котри маю „дзири у стажу”, оможлївене його повязованє и министер за роботу, обезпечованє роботи, социялни и борецки питаня Александар Вулин поволал руководительства и роботнїкох подприємствох у реструктурованю най ше приявя за повязованє роботного стажу.
За повязованє стажу ше мож приявиц по 31. децембер. Зоз 13 000 роботнїкох котри маю тоту можлївосц приявели ше лєм 600.
Вулин потолковал же по законє то маю робиц руководительства подприємствох, медзитим вони то нє конча, та министер поручел роботнїком и синдикатом же би их порушали и вихасновали можлївосц, бо можебуц нарок нє будзе средства за повязованє роботного стажу.