РУСКИ КЕРЕСТУР – Екипи пионирох и два ґрупи когуцикох ФК „Русин” прешлей соботи 28. мая, у Спортскей гали, бавели приятельски змаганя зоз парняками зоз ФК „Вербас” єдно змаганє победзели, а два страцели.
Екипа пионирох народзених 2009/10. року надбавела своїх парнякох з резултатом 8:5. Ґоли за домашнїх посцигли Планчак Иван – два, а по єден Надь Даниєл, Кочиш Владко, Малацко Кристиян, Кочиш Валентина, Будински Хана и Виславски Тадей.
Два екипи когуцикох мали менєй щесца, дакус и нє були комплетни и менєй мали замени. Екипа малих бавячох народзених 2011/12. року страцела з резултатом 3:6, а ґоли за домашнї тим посцигли Бошкович Йован, Илич Марко и Пашо Мартин.
Младша екипа когуцикох, народзених 2013/14. надбавена з резултатом 4:5, а по два ґоли дали Бошкович Йован и Марко Илич.
Тренере малих русинових бавячох Деян Йолич и Сани Колошняї, а орґанизатор змаганьох Зденко Шомодї.