РУСКИ КЕРЕСТУР – У 26. колє Подручней фодбалскей лиґи Зомбор, хторе отримане вндзелю, 2. мая, ФК Русин одбавел дома процив ФК Будучносц зоз Параґох, а з резултатом 2:3 (1:2).
Праве борбене змаганє прешло без вельо нагодох за посцигованє ґолох, алє кажда екипа вихасновала свою нагоду.
Госци свой перши ґол дали прейґ правого кридла, скоро зоз мервтого кута, нєодлуга, Павлович зоз лївого боку биє до горнєй греди од хторей ше лабда одбива до Даноєвича, а хтори потим виєдначує резултат на 1:1. Минут пред конєц першого полчасу госци даваю и други ґол.
У другим полчасу, шлїдзи напад прейґ Филипа Вуйовича, лабду додава Дюкановичови, и резултат ознова виєдначени. Пред конєц, госцуюци троме бавяче виходза опрез домашнього ґолмана, помоцни судия нє дзвига заставку же офсайд, та з тим посцигнути и конєчни резултат.
У 66. минути, главни судия додзелєл жовти картон госцуюцому тренерови пре нєспортске справованє, односно пре пригварки на судийову одлуку.
Русин наступел у составе – Калинич, Кочиш (Тома), Голик, Ланчужанин, Вуйович В., Павлович (Чернок), Вуйович Ф., Даноєвич (Дюканович), Кулич, Бранкович (Джуджар), Саянкович, а ґоли за Русин дали – Душан Даноєвич и Срдян Дюканович.
Нєшка, 5. мая, фодбалере Русина госцую у Сербским Милетичу, дзе ше стретню зоз домашнїм Задруґаром.