Руски Керестур достал нови План реґулациї

автор зам
837 Опатрене

КУЛА – Скупштина општини Кула вчера принєсла План ґенералней реґулациї за населєне место Руски Керстур, а на основи Одлуки СО о вирабяню Плану з марца 2009. року.

Як гварене на схадзки Скупштини, План ґенералней реґулациї принєшени пре застареносц дотерашнього, так же нови присподобени терашньосци и будуцому будованю.

План виробели Явне подприємство „Завод за вибудов” Кула и ЯП „Завод за урбанизем Кула-Оджак”, а його состойна часц и Звит о стратеґийней оцени Плану на животни штредок.

Явни увид до Нарису плану ґенералней реґулациї Руского Керестура тирвал од 20. марца по 18. април того року, отворена схадзка Комисиї за плани отримана 22. априла, та унєшени и дзепоєдни пригварки, а Оддзелєнє за инспекцийни роботи и защиту животного штредку 22. октобра дало согласносц на Звит о стратеґийней оцени уплїву на животни штредок.

ПОВЯЗАНИ ТЕКСТИ