ҐОСПОДЇНЦИ – Вчера у Месней заєднїци Ґосподїнци отримана друга схадзка членох и приятельох Еко-здруженя „Баґрен били” з того места, на хторей порадзене же тогорочни Саям гортикултури, етно-детальох и ручних роботох будзе 18. априла у дворе ґосподїнскей Основней школи „Жарко Зренянин”, хтора сотруднїк у його орґанизациї.
На схадзки подзелєни конкретни задатки за пририхтованє Сайму, основани Орґанизациони одбор, а бешедоване и о програми Сайму.
Саям часц проєкту „За чистейши и желєнши школи у Войводини” хтори софинансує Покраїнски секретарият за образованє, предписаня, управу и национални меншини-заєднїци.
На Трецим Сайме буду виложени рижни ручни роботи, желєнїдло и квеце, пресада и подобне. Тиж буду и рижни роботнї за школярох и нащивительох, еко-квиз, бабкарска представа, други вистави и инересантносци, дознава Рутенпрес од предсидателя Еко-здруженя „Баґрен били” Миодраґа Живковича.
Заинтересовани за викладанє своїх роботх на Сайме ище ше можу приявиц на Фейсбук-профил Еко-здруженя, лєбо на число тел. 064 494 603.