Сербия набавя терапию за рак плюцох

автор днв/блиц
713 Опатрене

НОВИ САД – З Куби би пошвидко мала сцигнуц имунолоґийна терапия „Цимавакс ЕҐФ”, хтору ше хаснує у познєйшей фази раку плюцох. Як наявене з Министерства здравя, за три институти за плюцово хороти у Сербиї буду обезпечени терапиї за вєдно 30 пациєнтох, а терашиї буду задармо.

„Цимавекс ЕҐФ” ше дава пациєнтом у трецим и штвартим стадиюму карциному. Нє при шицких пациєнтох ше посцигує добри резултати, а онколоґ, професор Владимир Ковчин з Клинїчно-шпитальского центру „Бежанийска коса”, спозорел же то нє лїк хтори знїщи карцином.

– Вона може спомалшиц, лєбо зопрец рост и розмножованє малиґних клїтинкох. Нє може шицким помогнуц, прето же нє шицки тумори маю фактор росту на хтори вакцина дїйствує – гварел професор Ковчин.

Дотераз тот лїк достали вецей як 5 000 пациєнти, а остатнє кубанске виглєдованє потвердзело же хаснованє „Цимавексу ЕҐФ” ефикасне и нє ма провадзаци ефекти.

Державни секретар у Министерстве здравя Берислав Векич гварел же Сербия сполнєла шицки обовязки коло набавки кубанского лїку, и чека ше на подпис з кубанского боку.

ПОВЯЗАНИ ТЕКСТИ