НОВИ САД – У новосадскей парохиї, од 11. по 19. новембер орґанизована духовна обнова од 16 годзин, кажди дзень пред вечаршу Службу Божу (хтора на 17 годзин), на тему „Сила вири” и з тей нагоди, штварток, служебнїца НДМ ш. Євсевия отримала перше преподаванє.
Присутних у церкви св. апостолох Петра и Павла привитал парох о. Юлиян Рац.
Монахиня Євсевия гварела же ше на духовней обнови будзе бешедовац о Блаженей Йосафати и роздумовац о библийних текстох хтори ше дотикаю вири. Вона гварела и же можеме и роздумовац цо сцеме вимодлїц прейґ ш. Йосафати. Єй живот нє бул лєгки, алє кед сцеме добре дїло, Бог помогнє. Так Бог и водзел ш. Йосафату на єй християнскей драги – гварела ш. Євсевия.
Exif_JPEG_420