НОВИ САД – Лїстини „Александар Вучич-Сербия победзує”, „Социялистична партия Сербиї-Ивица Дачич” и „Лиґа социялдемократох Войводини-Ненад Чанак” посцигли политичну догварку же у наступним периодзе буду твориц владаюцу коалицию у Скупштини Городу Нови Сад.
По словох подпредсидателя Сербскей напредней странки и городоначалнїка Нового Саду Милоша Вучевича, посцигнута догварка о програми розвою Нового Саду и нє було слова о политичней комбинаторики и дзелєню функцийох.
З тим ше зложел и подпредсидатель Социялистичней партиї Сербиї Душан Баятович, визначуюци же тота коалиция направена виключно у интересу Новосадянох.
Предсидатель Городского одбору Лиґи социялдемократох Войводини Александар Кравич гварел же пресудзел интерес Новосадянох и же идеолоґийни розлики медзи даєднима партиями нє шму буц препреченє кед у питаню интерес гражданох и розвой Нового Саду.