Соботами автобус до Керестура два раз, а нєдзелями лєм раз на дзень

автор маф
1.2k Опатрене

КУЛА/РУСКИ КЕРЕСТУР – През лєтнї розпуст автобуски превожнїк „Путоказ” од 22. юния по 1. септембер ма нови розпорядок превоженя путнїкох у местох општини Кула, та и за Руски Керестур.

През роботни днї з Кули до Керестура автобуси иду на 6; 6,40; 9,25; 12,30; 14,25; 16,30 и на 18,40 годзин. З Керестура роботни дзень автобуси до Кулу иду на 5,10; 6,20; 6,55; 9,40; 13,10; 16,40 и на 18,55 годзин, до Крущичу на 14,40 и 16,40, док автобус з Крущичу до Керестура идзе на 5 годзин.

Соботами з Кули до Керестура предвидзени автобус лєм на 7 и на 14,25 годзин, з Керестура до Кули лєм на 6,20 и на 13,10 годзин, док з Керестура до Крущичу на 7,15 и 14,35 годзин. З Крущичу до Керестура всоботу єст автобуси на 6,15 и на 13 годзин.

Нєдзелями зоз и до Керестура тераз автобус идзе лєм раз на дзень – з Кули до Керестура на 12,25 годзин, а з Керестура до Кули на 13,10 годзин.

З Керестура до Крущичу автобус нєдзелями идзе на 12,40, а з Крущичу до Керестура на 13 годзин.

ПОВЯЗАНИ ТЕКСТИ