КУЛА – На вчерайшей схадзки, Општинска рада (ОР) Кула дала согласносц на Правилнїк о систематизациї роботних местох з описом роботох у Служби Месней заєднїци (МЗ) Руски Керестур, як и на таки правилнїк у МЗ Сивец. Правилнїк о систематизациї роботних местох у Служби МЗ Руски Керестур такой вчера виложени на огласней табли МЗ и будзе полноважни осем днї од дня обявйованя.
ОР вчера прилапела и Правилнїк о финансованю програмох-активносцох у спорту у кулскей општини. З правилнїком одредзени условия, критерияюми и поступок додзельованя средствох за порядне финансованє спортских орґанизацийох, змаганьох манифестацийох и других спортских активносцох з општинского буджету.
Рада прилапела и звит о наменски потрошених средствох за порядне финансованє спортских клубох у кулскей општини у другей половки прешлого рока.