БЕОҐРАД – Понеже по 1. юлий шицки 78 медиї чий снователь Република Сербия, Покраїна, лєбо локална самоуправа муша буц приватизовани, министер за роботу, обезпечованє роботи, борецки и социялни питаня Александар Вулин апеловал на занятих же би ше приявйовали за социялни програми и одпремнїни.
– Явце нам ше, нє чекайце остатню хвильку. Маце право на социялну програму и одпремнїну, без огляду же кельо вам остало до пензиї, лєбо нє – поручел министер Вулин, а пренєсол Танюґ.
Вон потолковал же о приватизациї медийох одлучує Министерство култури и информованя, та Министерство привреди прейґ Аґенциї за приватизованє.