ШИД – На пондзелок, 9. фебруара, будзе отримана 27. схадзка Скупштини општини (СО) Шид, на хторей буду розпатрени програми дїлованя за 2015. рок явних подприємствох хторим Општина снователь.
Увагу явносци прицагує перша точка дньового шору – задзекованє члена Општинскей ради Вуядина Васича (СНС) задлуженого за спорт и младих на тоту функцию, як наведзене, пре особни причини.
По одлуки Управного суду, одборнїки ше маю вияшнїц и о новим ришеню о розришеню дакедишнього предсидателя Скупштини општини Желька Брестовачкого.
На дньовим шоре и вияшньованє о финансийним планє Месней заєднїци Шид, та кадрово пременки у надпатраюцих, управних и школских одборох.