КОЦУР – Позарядово парламентарни виберанки у Коцуре на шицких виберацких местох и далєй тирваю без проблемох.
По 15 годзин на виберацким месце 27 у правим голу Основней школи „Братство єдинство” гласали 501 гласач од вкупно 834, односно 60 одсто, а у Малей сали Месней заєднїци на виберацким месце 28 гласали 471 од вкупно 865 гласачох, односно 54 одсто. На виберацким месце 29 у лївим голу Основней школи по 12 годзин гласали 547 од вкупно 800 гласачох, односно 68 одсто, а у Велькей сали Месней заєднїци на виберацким месце 30 гласали 540 од 899 гласачох, односно 60 одсто.
У Коцуре од вкупно 3398 гласачох уписаних до виберацкого списку, до 15 годзин гласали 2059 гласаче, односно 60 одсто.
По тот час нє було векши инциденти у валалє, лєм у пополадньових годзинох обачене векше число людзох на улїчкох.
На уровню цалей општини Вербас, спрам информацийох Општинскей виберанковей комисиї, по 16 годзин зазначена виходносц од 62 одсто од вкупного числа гласачох.
