КРУЩИЧ/КУЛА – Прешлого тижня, предсидатель Општини Кула Дамян Милянич, у мено локалней самоуправи Општини Кула, подаровал таблет рахункари першокласнїком у ОШ „Велько Влахович” у Крущичу.
Милянич з тей нагоди наявел же исти дарунки достаню и першокласнїки найменших школох на териториї Општини Кула, у Липару и у оддзелєню у Новей Червинки. Того року локална самоуправа шицким першокласнїком зоз општини подаровала школски прибор, а за нарок предвидзене же буду финансовац купованє кнїжкох и часци школского прибору.
Директорка школи, Весна Медоєвич, на тот завод визначела же школа нєдавно достала 12 нови рахункари и нови школски мебель, а же у плану менянє облакох пре посцигованє лєпшей енерґетскей ефикасносци.