КУЛА/РУСКИ КЕРЕСТУР – Школярка закончуюцей 6. класи Школи за основне музичне образованє (ШОМО) з Кули Таня Надь з Руского Керестура преглашена за школярку ґенерациї цалей Школи. Таня школярка тамбури-прим Оддзелєня ШОМО у Руским Керестуре, у класи наставнїкох Хелени Гарвильчак и Милана Суїча.
Надьову за найлєпшу школярку вибрала Наставнїцка рада ШОМО, а за школярку ґенерациї шветочно є преглашена на вчерайшим Концерту Школи з нагоди законченя школского року, хтори отримани у Велькей сали керестурского Дому култури.