НОВИ САД – Того викенду, од 18. по 20. новембер, Руски културни центер (РКЦ) з Нового Саду шветочно означи 70 роки постояня, дознава Рутенпрес од директорки Центру Наташи Макаї Мудрох.
Програма означованю ювилею почнє на пияток, 18. новембра, з младежску програму „Литературиюм“, хтора у РКЦ (Йована Суботича 8), будзе на 20 годзин.
На соботу, 19. новембра, у Ґимназиї „Лаза Костич” (Лазу Лазаревича 1) на 19 годзин будзе Шветочни концерт з назву „РКЦ 70 роки з вами“. Уходнїца на концерт 200 динари.
На нєдзелю, 20. новембра, у Културним центре Нового Саду (Католїцка порта 5) будзе програма „Хор Гармония и госци“, а почнє на 19 годзин.
Директорка РКЦ Наташа Макаї Мудрох з тей нагоди поволує Новосадянох и госцох з других местох же би пришли на програми преслави того значного ювилею новосадского дружтва Руснацох.