СЕРБИЯ – Совит Влади Сербиї за права дзецка поруша инициятиву за приношенє закона о дзецинским омбудсманови, котри би ше занїмал зоз защиту правох дзецка, виявел министер за роботу, обезпечованє роботи, борецки и социялни питаня Александар Вулин.
Вулин надпомнул же така инициятива порушана ище пред шейсцома роками, алє нє було политичней дзеки за єй витворенє.
– У складзе з конвенциами Зєдинєних нацийох о правох децка и препоруками Совиту Европи, и Сербия би мала принєсц закон на основи хторого би ше основало окремне цело за права дзецка – гварел Вулин и оценєл же дзеци нє проблем у дружтве, алє же би ше шицки требали анґажовац у стараню о дзецох.