КУЛА – У Ґалериї Културного центру у Кули 13. юлия отримана Општинска смотра подобових творительох, на хторей з по двома роботами участвовали 17 уметнїки з местох кулскей општини, а 13-еро вибрани за Зонску смотру.
Медзи учашнїками Зонскей смотри подобових творительох зоз своїма роботами буду и Амалия Ковач з Кули (малюнок „Танєц”), Янко Бики з Руского Керестура з малюнком „Мой салаш” и Зорица Рац з Кули з малюнком „Салаш”.
На Зонску смотру з по єдну роботу ше пласовали и Милядин Шлюкич зоз Сивцу, односно Братислави, Славица Митрич з Крущичу, Марґита Фирснер з Кули, Вера Беґович з Червинки, Станиє Вукович з Кули, Йосип Клер з Червинки, Зорица Медич з Червинки, Тимон Томи Тамаш з Кули, Драґиша Дюричич з Червинки и Снежана Давидович з Кули.
Општинску смотру подобових творительох орґанизує Културно-просвитна заєднїца (КПЗ) Општини Кула, а отворел ю секретар КПЗ Сава Прерадович.
