Удовички: Пременїц забрану обезпечованя роботи

автор ртв
1.2k Опатрене

БЕОҐРАД – Уредбу о забрани обезпечованя роботи нєобходне цо скорей пременїц, виявела за ”Вечернї новосци” подпредсидателька Влади и министерка державней управи и локалней самоуправи Кори Удовички и оценєла же то тераз найвекши проблем у општинох.

Вона прецизовала же ше, вєдно з новим буджетом, роби на пририхтованю системи хтора будзе флаксибилнєйша – у смислу же огранїчи вкупне обезпечованє роботи, алє же оможлїви же би кажде, у рамикох своїх компетенцийох, розпоредзел роботу так же буду пополнєти найважнєйши места.

– Влада одлучна же ше з квалитетом вибори з партийним обезпечованьом роботи – гврела Удовички и наявела же министерски тим станє на карк партийному обезпечованю роботи.

Министерка гварела же вименки Закона о державних службенїкох обовязую же заняти на положеню муша буц поствени по конкурсу и же муша буц вибрани виключно квалификовани и квалитетни кадри.

ПОВЯЗАНИ ТЕКСТИ