НОВИ САД – Всоботу, 16. априла того року, после длугей и чежкей хороти, у 67. року живота умар Дюра Варґа, младши син познатого нашого културного дїяча Дюри Варґи.
Дюра Варґа младши народзени у Руским Керестуре, дзе почал ходзиц и до основней школи. Ґимназию и студиї физики закончел у Новим Садзе, дзе ше преселєла и його фамелия. По законченю студийох даскельо роки робел у Покраїнским секретарияту нукашнїх дїлох як форензичар, а вец прешол до власней фирми, дзе робел аж по одход до пензиї.
Єден час бул активни член хлопскей шпивацкей ґрупи при Културно-уметнїцким дружтве „Максим Горки“ у Новим Садзе.
Под час политичних пременкох у нашей жеми Дюра Варґа младши ше уключел и до дружтвено-политичного живота. Єден мандат бул и член и подпредсидатель Управного одбору Радио-телевизиї Войводина, а после вицеку мандата ше поцагнул з явного живота.
Випровадзени будзе на Новосадским теметове на штварток 21. априла, на 13,30 годзин.
Вичная му памят!