РУСКИ КЕРЕСТУР – У просторийох Каритасу вчера вечар отримана удатна трибина за фамелиї з тему „Осамостойованє дзецох (од народзеня по 18 роки)”, хтору презентовала педаґоґ и теолоґ Весна Хуска зоз Суботици, вєдно зоз своїм супругом Ладиславом.
– Поправдзе, осамостойованє почина од хвильки зачаца и предлужує ше у наступних фазох живота дзецка. Воно потребне и природне, а добре кед родичи свидоми шицких ключних хвилькох у тим процесу, же би помогли и свойому дзецку и себе – наглашели Хусково.
Вони успишнє презентовали теорийни толкованя и арґументи, а з красним числом присутних подзелєли свойо власни родительски искуства у воспитованю своїх седмерих дзецох и одвитовали и на питаня присутних.
