Утвердзени Предлог буджету

автор зам
1k Опатрене

КУЛА – Општинска рада штварток, 24. децембра, утвердзела Предлог буджету Општини Кула за 2016. рок, у хторим скоро половка средствох будзе опредзелєна за инвестициї.

Приходи Општини у идуцим року плановани на 2 милиярди 114 милиони 373 000 динари, а средства за инвестицийни проєкти предвидзени на милиярду 40 милиони 386 000 динари.

У буджету плановане инфраструктурне ушоренє у шицких местох кулскей општини, найвецей у Кули, а за вибудов поцискуюцого воду Червинка-Кула би мали буц видвоєни 414 милиони динари.

– З тим будзе ришена заґадзеносц Велького Бачкого беґелю, цо найвекши проблем у обласци защити животного штредку у кулскей општини – гварел заменїк предсидателя Општини Кула Велибор Милоїчич, понеже одпадни води хтори приходза з Червинки буду одходзиц до главного построєня за пречисцованє медзи Кулу и Вебасом.

Предлог буджету одборнїки Скупштини општини Кула буду розпатрац на вовторок, 29. децембра.

ПОВЯЗАНИ ТЕКСТИ