НОВИ САД – Всоботу, 18. априла, у Новим Садзе отримана роботна акция на ушореню парохийного дому, на хторей участвовали вецей особи, на чолє з парохом о. Юлияном Рацом и предсидательом Церковного одбору Мирославом Грубеньом.
Обнавяло ше часц патосу у кухнї и лїпело цегелки, зняти стари тапети и порихтани мури за билєнє. Як гварел Мирослав Грубеня, ушорює ше кухню, салу за виронауку и конк хтори хасную шицки, а источашнє и кухню, вельку хижу и купальню за дзияка.
– Познєйше будзе вибудовани и уход до паноцового квартелю. Єст ище вельо роботи, бо треба реновировац и облаки, а кед слово о старим будинку на углє улїцох Йована Суботича и Войводи Бойовича, понеже є од окремного историйного значеня и под защиту держави, з тей нагоди ше нє роби на тей часци, лєм буду офарбени облаки – гварел Грубеня.
