НОВИ САД/ВЕРБАС – Нєшка, у рамикох Дньох Миколи М. Кочиша, у Вербаше будзе орґанизована нащива школяром хтори виучую руски язик.
У Вербаше ше виучованє руского язика зоз елементами националней култури отримує у трох Основних школох – „Светозар Милетич“, „20. октобер“ и „Братство єдинство“.
Школярох учи Славица Мали, проф. класней настави зоз Вербасу. Маюци у оглядзе же ше ОШ „Светозар Милетич“ реновирує, програма ше отрима у Парохиялней сали нашей церкви, ул. Сивч Йовґена.
У тим школским 2021/2022. року на наставу руского язика у Вербаше ходза 69 дзеци.