НОВИ САД – У нєшкайшей емисиї „Добри вечар, Войводино”, у першей часци будзе емитована найновша монодрама за дзеци зоз циклусу „Вандровкаш”. То сказка „Мацерово шерцо” Ирини Гарди Ковачевич , хтору и з тей нагоди за сцену пририхтал и знял ансамбл Руского народного театру „Петро Ризнич Дядя”.
Найвекша часц штвартковей емисиї будзе пошвецена найрадоснєйшому християнскому швету – Крачуну. Будзе емитована владикова винчованка, як и репортажа о символики и значеню Крачуна, а у найновшей емисиї „Слово младих” патраче годни дознац рецепти за даєдни традицийни крачунски єдла хтори рихтаю Руснаци, а хтори з тей нагоди пририхтала особа хтора нє з нашей заєднїци.
Емисия „Добри вечар, Войводино” будзе репризована такой на ютре (пияток) вноци на 3,10 годзин и дополадня на 9 годзин.