ЖАБЕЛЬ – На основу одлуки Општинскей ради Општини Жабель, вчера розписани явни конкурс за финасованє и софинасованє програмох, або проєктох з обласци очуваня, унапредзеня и розвою култури и уметносци у општини – за уметнїцку творчосц, традицийну народну творчосц и нєматериялни културни скарб. За конкурс вєдно опредзелєни 500 000 динари.
Конкуровац можу здруженя гражданох хторим основна дїялносц култура, а реґистовани су на териториї жабельскей општини и нє достали средства на першим тогорочним конкурсу.
Програми з хторима ше будзе конкуровац муша буц витворени найпознєйше по 31. децембер того року, а прияви до Општини треба придац найпознєйше 2. новембера до 11 годзин.
Шицки информациї о конкурсу мож достац на сайту Општини Жабель – www.zabalj.rs, а на истим сайту обявене и же би здруженя хтори уж реализовали свойо проєкти з буджетских средствох, до Општини и урядово оправдали їх трошенє.