У Клубу пензионерох преподаванє о здравю

автор маф
652 Опатрене

РУСКИ КЕРЕСТУР – У Клубу пензионерох у Руским Керестуре 19. новембра отримане преподаванє з тему „Водзце рахунку о своїм физичним и менталним здравю”, хторе домашнї орґанизовали вєдно зоз Здруженьом за борбу процив рака „Здравка” зоз Зомбора.

О превенциї малиґних хоротох з благочасовима самопрепатрунками и у лїкара, як и о правилним костираню бешедовала др спец. онколоґ Дєрдї Шарич, предсидателька Здруженя „Здравка”.

О менталней компоненти здравя у превенциї малиґних хоротох бешедовала психолоґ у Здруженю Изабела Рашковоч, з акцентом на стрес хтори у тим ма барз значну улогу, та го важне препознац, превозисц и ошлєбодзовац ше од того стану.

15-Zdravka-02

И Шаричова и Рашковичова наглашели же найважнєйши чежки хороти одкриц цо скорей, бо их нєшка мож вилїчиц, та поволали коло 25 присутних же би и на превентивни способ мерковали на свойо здравє.

На преподаваню була и Цецилия Милер, котра при Здруженю „Здравка” водзи подобову секцию, та представена єй робота, понеже и уметносц ма терапеутски елементи. Ґу тому, єдна членїца Здруженя присутним пошведочела о искустве чежкей хороти у своєй фамелиї.

15-Zdravka-03

ПОВЯЗАНИ ТЕКСТИ