КОЦУР – У парохиї грекокатолїцкей церкви Успения пресвятей Богородици у Коцуре ище того тижня тирваю прияви за пакецики котри буду подзелєни дзецом на швето Святого Миколая.
Цена єдного пакецика 600 динари, а у церкви поставена и шкатулка у котрей парохиянє можу охабиц добродзечни прилог и помогнуц тим котри нє у можлївосци.
З нагоди того швета, на соботу, 18. децембра, на 17 годзин почнє Всеночне, а потим на 18 годзин придзе и Святи Миколай котри дзецом будзе дзелїц пакецики.
Ютредзень, 19. децембра, на швето Святого Миколая будзе мированє на шицких Службох Божих.