СРИМСКА МИТРОВИЦА – У Основней школи „Йован Попович“ у Сримскей Митровици штварток, 5.марца, означени Дзень мацеринского язика.
Програму порихтали шицки дзеци и їх наставнїки хтори у тей школи уча свойо мацерински язики и културу свойого народу. Дзеци шпивали и рецитовали по сербски, руски и українски, алє и по анґлийски и нємецки.
Професорка Нада Адамович, хтора того школского року роби зоз рускима дзецми у школи „Йован Попович“, пририхтала красни наступ своїх школярох хтори шпивали и рецитовали.
По законченю програми шицки дзеци могли покоштовац приготовени национални єдла.
Основна школа „Йован Попович“ єдина школа у городу у хторей ше отримує настава на язикох националних меншинох. Планує ше же ше Школа од шлїдуюцого школского року преселї до нового будинку.
