НОВИ САД – У тогорочним двацец шестим чишлє новинох „Руске слово” рубрика „Тижньовнїк” пише о нащивох делеґациї Националного совиту Руснацох до своїх подручних канцеларийох, а ту и текст о схадзки Координациї националних совитох.
Окрем акциї на ушореню Коцура и о концерту пряшовского Ансамблу ПУЛС у Дюрдьове, „Нашо места”, пишу и о наградзених школярох у Кули и Новим Садзе, а ту и звит зоз схадзки Скупштини општини Шид.
„Економия” зазначела як прешол Керестурски саям, хтори отримани у рамикох Фестивалу рускей култури „Червена ружа”, а „Ружи” у тим чишлє пошвецени шейсц боки рубрики „Култура и просвита”.
„Людзе, роки, живот” представяю Кочишових з Дюрдьова, котри ше роки занїмаю зоз столарским ремеслом, а у тим чишлє новини закончую напис о паломнїцтве по восточней Словацкей, Польскей и Закарпатскей України.
„Духовни живот” пише о улоги монашства у нєшкайшим чаше, а „Мозаїк” представя Олесю Рамач з Керестура, котра студира на Музичней академиї у Новим Садзе.
„Спорт” зазначел як прешли змаганя у фодбалє за пионирох у рамикох Спортских бавискох „Яша Баков” у Руским Керестуре, а як додаток вишол „Медзипростор за кафу и виключеня”.