НОВИ САД – Рубрика „Тижньовнїк” у штернастим тогорочним чишлє новинох „Руске слово” предлужує представяц виберанково лїстини на републичним уровню и кандидатох з наших местох на локалних виберанкох.
У рубрики „Нашо места” зазначени вецей вистки о комуналних роботох и ушорйованю животного штредку, як и о пияцу половних стварох у Коцуре. „Економия” пише о промоциї „Польопривреднїкового польопривредного календару”, а преноши и искуства Коцурца Милана Дрлячи у роботи зоз старима цеглами.
„Култура и просвита” приноши резултати Медзиокружного змаганя зоз знаня руского язика у Коцуре и звит з дзецинскей представи „Васо Пикасо” керестурского Драмского студия АРТ. Ту и напис о успишним госцованю новосадского РКЦ у Валєве.
„Мозаїк” пише о психичних хоротох сучасного чловека, а „Духовни живот” зазначел пошвецанє копиї Торинскей плащанїци у новосадскей парохиї. Ту и прилог о. Романа Миза о псевдособоре, о хторим „Руске” писало у прешлим чишлє.
У рубрики „Людзе, роки, живот”, у сериї написох „З другого боку творчосци”, текст о писательови Владимирови Кирдови Болхорвесови, а на тих бокох представени и Владимир Еделински з Осиєку.
„Спорт” информує о заключеньох з Рочней скупштини ФК „Бачка 1923” и о правеню ище єдного терену за бавенє у Руским Керестуре.