НОВИ САД – Представителє Влади Сербиї и британскей компаниї „Делфи аутомотив” вчера подписали контракт о стимулуюцих средствох за нови продукцийни погон у Новим Садзе, хтори би мал порушац продукцию автоинсталацийох и до конца идуцого рока обезпечиц роботу за 1000 роботнїкох.
Контракт подписали министер привреди Желько Сертич и ґенерални директор компаниї „Делфи” за Европу, штреднї Восток и Африку Винсент Фаґард, а на подписованю присуствовал и предсидатель Влади Сербиї Александар Вучич.
Погон будзе вибудовани у обєкту дакедишнєй фабрики „Необус” у Новим Саду.
У новим погонє британскей компаниї роботу достанє 10 одсто вкупного числа єй роботнїкох у Европи, а то три тисячи особи, гварел премиєр Вучич и визначел же то перша така велька инвестиция у Новим Садзе после 35 рокох.