НОВИ САД – Пондзелок, 29. юния, почал осми по шоре Медзинародни филмски фестивал „Синема сити“, а тирва по 5. юлий. Парола тогорочного Фестивалу то „На правим месце у прави час“, а за седем днї отримованя нащивительом понукнути филмски, музични и едукативни змисти.
На „Синема ситию“ каждого року представени коло 100 филми з нєзависней продукциї, а задумка промововац творчосц младих, нєафирмованих филмских авторох зоз Сербиї и иножемства. Того року публики премиєрно буду представени 70 филми, а програми буду на двох локацийох – у Китайским краю и Лиманским парку, на 19,30 годзин.
У музичней програми „Синема ситию“ наступя векшином нєафирмовани млади ґрупи, а од дакус познатших то „Земља Ґрува“, „Дарквуд даб“, „Јарболи“ и други.
Фестивал потримали Покраїнски секретарият за културу и явне информованє, Министерство култури и информованя и Город Нови Сад.