ПЕТРОВЦИ – Внєдзелю, 22. фебруара, нововибрани члени Церковного одбору нашей парохиї Покрову пресвятей Богородици у Петровцох, на Служби Божей пришагали на Євангелию же вирно и совисно буду окончовац свою длужносц, притримуюци ше Статуту Церковного одбору. Вибор нових членох Одбору пред тим потвердзел и владика крижевски, кир Николи Кекича.
У новим Церковним одборе першираз и три жени. Одбор чишлї 9 членох, а у нїм и петровски парох о. Владимир Седлак.
По пришаги у церкви и многолїтствия, у церковней сали окончене и урядове примопридаванє Статуту, финансийних документох, кнїжки столкох и архиви записнїкох зоз схадзкох предходного Церковного одбору.