У новим чишлє „Руского слова”

автор ядю
807 Опатрене

НОВИ САД – У двацец трецим тогорочним чишлє новинох „Руске слово” рубрика „Тижньовнїк” пише о фахово-едукативней роботнї за хореоґрафох и танєчнїкох у керестурским Доме култури, як и о схадзки Подручней канцелариї у Коцуре о образованю по руски.

О вельочислених актуалносцох зоз Шиду, Вербасу и Сриму, о схадзки Совиту Месней заєднїци Руски Керестур и дзевятим Мото-стретнуцу у Коцуре пише на бокох рубрики „Нашо места”, а на боку „Економия” текст фаховца мр Дюру Надя о ґенетски модификованей поживи.

„Култура и просвита” зазначела як прешол „Петровски дзвон”, котри школяре преглашени за найуспишнєйших у тим школским року, а ту и напис редакторки култури у новинох „Руске слово” Олени Планчак Сакач, у хторим дава анализу и препорученя за Централну преславу Националного швета Руснацох.

Рубрика „Людзе, роки, живот” пише о тим як Силвестер Маґоч з Коцура прежил лаґер Дахау, док „Духовни живот” пошвецени нащиви папи Франциска Сараєву, дзе були и паломнїки з наших парохийох, та Першей Причасци у Дюрдьове и Миклошевцох.

„Спорт”, медзи иншим, призначел успихи керестурских ателитичарох на финалних змаганьох першенства за школярох основних школох у Войводини, як и рукометашкох „Дироню”, хторих предводза Керестурци. Як додаток и тим чишлє вишла „Дикица”.

ПОВЯЗАНИ ТЕКСТИ