ШИД – Традицийна туристична манифестация „Сримска забивачка и колбасияда“, 22. по шоре, будзе отримана нєшка у Шидзе, ана 11 годзин, такой по отвераню, шлїдзи перше екипне змаганє и то у швидким фаластованю закланей швинї.
Буду ше змагац и екипи у правеню швижей колбаси, а поєдинци у тим хто швидше поє цо вецей пражени колбаси.
Окремна фахова комисия будзе оценьовац сухи колбаси продуковательох, а на соботу опрез Спортского центру буду и штанди зоз месовима продуктами хтори годно купиц.
Побиднїки по катеґорийох буду преглашени на нєдзелю на шветочней вечери, а госцох будзе забавяц Тамбурови оркестер „Зоруле“.