ШИД – У Ґимназиї „Сава Шуманович” у Шидзе седми раз означени Медзинародни дзень мацеринского язика, а з тей нагоди представени сербски, английски, словацки, русийски, руски, нємецки и ромски язик.
Поезию по руски пречитала школярка штвартей класи Ґимназиї Ваня Ковачевич, а у голу Ґимназиї з тей нагоди була порихтана и вистава видрукованей поезиї и новинох на рижних язикох, медзи нїма и по руски.
Програму порихтали професоре и школяре Ґимназиї, наступел и хор тей образовней установи, шпивацка ґрупа „Шидиянке”, а на програми присуствовали и представителє меншинох з локалней заєднїци.
