КУЛА/РУСКИ КЕРЕСТУР – Школа за основне музичне образованє (ШОМО) з Кули, зоз своїм оддзелєньом у Руским Керестуре, до нового школского 2016/17. року ступела з вєдно 196 школярами, з котрих 52 у керестурским оддзелєню.
У Школи ше виучує пейц инструменти: клавир, гушля, кларинет, тамбура и гарминока, як и предмети солфедьо, теория музики, та хор и камерна музика. Школованє за шицки инструменти тирва шейсц роки, окрем за кларинет – штири роки.
Найвецей школярох першей класи уписане на клавир – 33 у матичним оддзелєню и 8 у керестурским, цо по словох директорки ШОМО Лїляни Барна Никитович, уж вецейрочни тренд.
До першей класи у матичним оддзелєню уписани 47, а у керестурским 16 школяре. У тим оддзелєню, попри клавира, єден школяр вибрал виучовац кларинет, штверо тамбуру и тройо гармонику.