НОВИ САД – У ютрейшим ТВ Маґазину будзе емитовани прилоги о преслави Дня школи у Руским Керестуре, з часци преподаваня професорки математики Наталиї Будински у Сербскей академиї наукох и уметносцох, як и з 15. Републичного змаганя з руского язика и язичней култури у Коцуре.
У емисиї будзе слова и о проблемох з хторима ше зочую огньогасци у наших местох, а будзе емитовани и прилог з програми „Дзе(нь) младос(ци)” у новосадским Руским културним центре.
Як кажду нєдзелю, ТВ Маґазин будзе емитовани на Другей програми РТВ на 20 годзин, а реприза такой на пондзелок вноци на 2 годзин и на штварток на 21,30 годзин (после емисиї „Добри вечар, Войводино”).