РУСКИ КЕРЕСТУР – Явне комуналне подприємство „Рускомˮ тих дньох обвисцело гражданох Руского Керестура же вода зоз построєня пречисцовача води, хторе ше находзи у Рускому, нє за хаснованє.
Директор того подприємства Иґор Фейди виявел же после зазначеного присуства малей концентрациї бактериї такой пременєни славини, виплокана система и поробени вельки сервис построєня пречисцовача води, та прикладнїки води ище раз послати на микробиолоґийну анализу до Заводу за явне здравє у Зомборе.
Резултати тей анализи буду готови тих дньох.
Як ище додал Фейди, вода у централним водоводу и на шицких пунктох у Руским Керестуре микробиолоґийно исправна, а за хасновательох води у просториї зоз построєньом, з Рускому апелую же би примерковали на гиґиєну у просториї, понеже на чопох з воду замерковани бруд.