Члени УСПРС за ютре наявели штрайк спозореня

автор сен
936 Опатрене

БЕОҐРАД – Пре мали плаци и нєвиплацени награди, та нєвитворйованє Спорозуменя хторе 2015. року подписали Влада Сербиї и синдикати просвитних роботнїкох, заняти котри члени Униї синдикатох просвитних роботнїкох Сербиї (УСПРС) на ютре буду штрайковац, так наявене же у 736-ох школох годзини буду скрацени на 30 минути.

На конференциї за новинарох предсидателька УСПРС и членїца Штрайкацкого одбору Ясна Янкович гварела же просвитни роботнїки вимагаю звекшанє плацох за 12 одсто. Виявела и же нє достали поволанку на схадзку з министром просвити, алє су заинтересовани за розгварку з представителями Влади и Министерства просвити, науки и технолоґийного розвою.

– Просвитни роботнїки влонї, аж после штрайку спозореня, достали 7 000 динари як помоц. Держава ше обовязала и же з окремним законом ушори плаци занятих у явним секторе, цо би злєпшало їх положенє,  медзитим, то нє сполнєте – гварела Янковичова.

Член Штрайкацкого одбору Владимир Аджич гварел же штреднї плаци просвитних роботнїкох 39 924 динари, цо за 13,5 одсто менєй од републичного просеку. Вон визначел же пре зменшанє плацох, кажди наставнїк за остатнї два роки „страцел” вецей як 90 000 динари.

ПОВЯЗАНИ ТЕКСТИ