НОВИ САД – Националне швето Руснацох у Новим Садзе вчера означене у просторийох Руского културного центру зоз шветочну и богату програму членох Дружтва.
После гимни Сербиї и шветочней шпиванки Руснацох, присутних привитала народна посланїца у Скупштини Сербиї и членїца Националного совиту руснацох Олена Папуґа и проф. др Золтан Горват, спред Городу Нови Сад.
У културно-уметнїцкей програми участвовали Хор „Гармония”, рецитаторе РКЦ, хлопска шпивацка ґрупа РКЦ, Камерни состав националного оркестру и Мирослава Даждиу зоз своїм оркестром.
Пред културно-уметнїцку програму Звонимир Павлович, режисер представох „Мачка” и „Оркестер Титаник” отворел виставу фотоґрафийох Ненада Илича, хтори настали з нагоди рихтаня спомнутих представох Драмского студия РКЦ.
У РКЦ з тей нагоди була и вистава виданьох НВУ „Руске слово”, а после програми за госцох и учашнїкох орґанизовани коктел, дзе грала и жива музика.
