КОЦУР – У Ловарским доме у Коцуре пондзелок, 19. януара, коцурске Здруженє голубарох „Сербски шарканї” отримало шветочносц, на хторей найуспишнєйшим членом у прешлим року додзелєни припознаня, а после того отримани и Голубарски бал.
Предсидатель Здруженя Виктор Ґрешак виявел же голубаре другираз орґанизую таке друженє, а припознаня и погари того року достали млади члени Здруженя Страхиня Булатович з Кули и Марко Ґрешак з Коцура.
Коцурске здруженє голубарох за тераз ма 16 членох з Коцура и околїска, а 19. януар у цалей держави познати и як голубарска слава, так же ше на тот дзень сходза голубаре и у велїх других местох.