КУЛА – Од 1. януара 2016. року и кулске Оддзелєнє за урбанизем, комунално-квартельни и маєтно-правни роботи черанку документох и поднєскох у обєдинєней процедури будзе окончовац виключно електронски.
У складзе зоз Законом о планованю и вибудови, шицки акти хтори у вязи з обєдинєну процедуру приноша компетенти орґани, як и поднєски и документи хтори ше доручує у обєдинєней процедури, уключуюци и технїчну документацию, буду ше доручовац як електронски документи и вецей нє будзе паперово документи.
Шицки информациї о тей процедури мож видзиц на сайту Министерства будовательства, транспорту и инфраструктури.