ТИТЕЛЬ – Смотра кириличней писменосци „Читай, крашнє пиш”, хтору уж штернастираз орґанизує Народна библиотека „Стоян Трумич” Титель, у тим месце отримана 24. мая – на дзень святих Кирила и Методия.
На шветочносци уручени награди за найлєпши писмени задатки написани по руски, українски, сербски, болгарски и македонски школяром основних и штреднїх школох, а и того року свойо состави на наградни конкурс послали школяре з Руского Керестура и Дюрдьова, медзи котрима наградзени дванацецеро школяре.
З Руского Керестура наградзени Марина Джуджар, Леонтий Сивч, Ана Костелник и Себастиян Надь, школяре котрим руски язик у основней школи преподаваю професорки Каролина Папуґа и Ксения Шовш, та школяре руского Оддзелєня Ґимназиї – Жарко Остоїч, Ребека Планчак и Дионизий Малацко, чия професорка Люпка Малацко.
З Дюрдьова наградзени школяре Лука Кухар и Борис Тиркайла, котрим учительки Мелания Саламун и Єлена Салаґ, як и Мария Барна и Лидия Чапко, котрим руски преподава професорка Мария Самарджич.
Окремну награду за найлєпши состав написани по руски достал Давор Хома з Руского Керестура.
На конкурсу за калиґрафски роботи награди достали школяре з Дюрдьова Николина Миланович и Милица Мушицки, котрим наставнїца подобовей култури Татяна Перович.