РУСКИ КЕРЕСТУР – У рамикох професийней ориєнтациї, у Штреднєй школи „Петро Кузмяк” вчера отримане преподаванє и роботня з тему „Дружтвене поднїмательство”, у реализациї Татяни Вучуревич з Факултету за економию и менаджент ФИМЕК з Нового Саду.
Преподаванє було за школярох трецей класи и матурантох Ґимназиї и Туристичного напряму.
У интерактивней комуникациї школяре могли научиц цо то поднїмательство, цо дружтвене поднїмательство и о условийох за їх витворйованє. Достати спознаня школяром буду хасновити при опредзельованю за дальше школованє.